25 de novembro

"As mulleres sosteñen a metade do ceo, porque coa outra man sosteñen a metade do mundo "
MAO TSE TUNG

O venres 23, no recreo  leremos baixo o lema RESPONDE NON ÁS VIOLENCIAS SOBRE AS MULLERES, pola liberdade que reclama para si a Penélope de Xohana Torres
DECLARA o oráculo:

"Que a banda do solpor é mar de mortos,
incerta, última luz, non terás medo.

Que ramas de loureiro erguen rapazas.
Que cor malva se decide o acio.

Que acades disas Patrias a vendima.
Que amaine o vento, beberás o viño.

Que sereas sen voz a vela embaten.
Que un sumario de xerfa polos cons”.

Así falou Penélope:

                    “Existe a maxia e pode ser de todos.
                    ¿A que tanto novelo e tanta historia?

                    EU TAMEN NAVEGAR."

contra o terror machista que representa ese home pequeno do poema de Toño Núñez

Ten as mans grandes
coma gadoupas.
E os brazos longos
coma remos.
Ten a boca negra.
E sucia coma o esterco.

A súa voz corta o aire.
Coma os lostregos.
Nos seus ollos,
de torto mirar,
recoñezo todos os medos

Ten as mans grandes.
Os brazos longos.
E a boca negra...

Pero o cerebro
e o corazón
tenos pequenos.

Non coñece o amor.
Non coñece a tenrura.
Non coñece o respecto...

É un home pequeno.